ပန်း ဥယျာဉ်ကဗျာများ (၁. မှ ၃၀ စုစည်းမှု ) photo နဲ့ ပန်း အံကိုက် ထည့်ပေးထားပါတယ်
( ၁.)"" စံပယ် ""
စံပယ်ဖြူ ပွင့်ငုံသေးရယ်က
ဖြူဖွေးလို့ ချစ်စရာ။
ခက်စိမ်းခြုံ အုပ်အုပ်ကြားမှာဖြင့်
လှုပ်ရှားပွင့်ဖြာ။
အဆူးမပါ
အဖူးမှာ စီရီဆင့်။
မိုးမရောက်ခင်
ဖြိုးမောက်လွင် အစွမ်းပြပါတဲ့
ပန်းလှငယ်ပွင့်။ ။
( ၂.) "" မြတ်လေး ""
နွမ်စိမ်းခြုံ ဘုံအထက်
အုံမပျက် မာလာ။
သွေးအရောင် စံပယ်နှိုင်းပေမယ့်
ပွင့်ခိုင်း ပုံကွာ။
ရနံ့ကြည်သာ
ပျံ့အီကာ လေတစ်ကြော။
ကြည်ပြုံးဖွယ်
သီကုံးသွယ် စိန္တေမြတ်ကိုတဲ့
လှူကပ်စို့နော။ ။
( ၃.) ""တတိုင်းမွှေး""
အပွင့်ပုံဆန်းပါလို့
ပင်နန်းက ခြုံသာသာ။
နမ်းကြူစဉ် ရနံ့မပေးပါဘု
ပျံ့မွှေးညခါ။
ပန်း သဏ္ဌာန်မှာ
လွှမ်းပြန်တာ ကြက်ဥသို့ ။
အမည်နော်
အလွယ်ခေါ် လူတို့ပြုတယ်
ပန်းကြက်ဥလို့။ ။
( ၄.) ""ဇီဇဝါ ""
ပွင့်ဟန်ကိုကြည့်လျှင်ဖြင့်
တူပါဘိ နှင်းဆီကွယ်။
အရောင်စုံ မရောယှက်ပါပဲ
ဖွေးလျှက်ဖြူတယ်။
ဇီဇဝါမယ်
ကြည်သာဖွယ် မွှေးရနံ့ ။
လန်းကျော်ကာ
နွမ်းရော်မှာ ဝါရည်စွက်ပေမယ့်
မွှေးလျက်သာပျံ့။ ။
( ၅.) ""ယုဇနပန်း""
ပန်းပွင့်ငယ် ယုဇန ဟာဖြင့်
တုမရ. သူ့ပုံစံ။
ပွင့်ပါလျှင် တစ်ပင်လုံးသာပ
လွင်ဖုံးနေပြန်။
ဖြူဖွေး သဏ္ဌာန်
ယူထွေးရန် ခက်သား။
အစဉ်ပေ
အပင်ခြေ မြေတစ်ကြောမှာဖြင့်
ကြွေလျောခစား။ ။
( ၆.) ""သဇင် ""
ပန်းဘုရင် တင်စားလေတဲ့
နန်းအဝင် ရွှင်အားပါလို့
ခင်ဖုရားတို့ သုံးတော်ခံ။
တောတောင်လျှို အပင်မြင့်မှာမှ
သွင်တင့်လေပြန်။
မာနမထန်
ခွာချမာန် ငုံ့လျက်သား။
လှမ်းမျှော်ချင်
ပန်းတော်ဝင် သဇင်ခက်ကိုဖြင့်
လူမက် တအား။ ။
( ၇.) ""နှင်းပန်း""
နှင်းပန်းခိုင် ဖြူလွလွကိုဖြင့်
ယူကြလို့ ဘုရားလှူ။
ရနံ့အီ တစ်မျိုးဆန်းပါလို့
တိုးနမ်းကာကြူ။
မြင်ရသူ
သွင်လှတမူ ခိုင်ခိုင်ဖြင့်။
မကြွေလွယ်ပါ
လေသယ်ရာ ရနံ့ပေးကာပ
ပျံ့မွှေးတယ်ရှင့်။ ။
( ၈.) "" ခရေ.""
ပန်းအကြွေ ခရေများရယ်က
လွှမ်းသလေ မြေတစ်လွှားမှာဖြင့်
ခစားလို့ နေရပြန်။
ကောက်ယူငင် မသီကုံးသော်လည်း
ပွင့်နှုံးမှန်မှန်။
စင်္ကြာဟန်
သက်လာစံ မြေပြင်ကြား။
ပန်းကြည်သာ
နွမ်းရီကာ ညှိုးခြောက်ပေမယ့်
ကြိုင်လှောက် နေသား။ ။
( ၉.) ""ဂေါ်သဇင် ""
ဂေါ်သဇင် သည်ပန်း ရယ်က
တော်မဝင် အပီလွှမ်းပါရဲ့
အေးချမ်းတဲ့ ခါရာသီ။
ထွေးနွယ်လိမ် ခြံစည်းရိုးမှာဖြင့်
ကြီးစိုးဝေစီ၊၊
အဖြူမပီ
ရောင်စုံညီ မရောစွက်။
ပွင့်လာချိန်
သင့်ရာနှိမ် ယူလို့ခူးကာပ
ကြိုင်ထူးဝေလျက်။ ။
( ၁၀.) ""ဆိပ်ဖလူးပန်း ""
ပွင့်အခြေ နီဝါလွှမ်းကာပ
ပန်းကလေး သူ့နာမည်။
ပန်းစင်္ကြာ အသွင်းထူးလေတဲ့
ဆိပ်ဖလူး သည်။
ကြွေရှာပြီ
မြေလွှာဆီ အလှဆင့်။
ငြိုးဖွဲ့စေ
မိုးနဲ့လေ အထဲမှာဖြင့်
ပွင့်ရဲ ကြွေလွင့် ။ ။
( ၁၁.) ကံကော်ပန်း
ပန်း ကံ့ကော် ဖြုဖြူဖွေး ရယ်နှင့်
လွှမ်းပျံ့မော် ကြူ ကြူမွှေးပါဘိ
ဝတ်ဆံသွေး ဝါရွှေစင်။
အရွက်ချွန် လေပြည်သွဲ့ပြန်တော့
ယိမ်းနွဲ့သံလွင်။
ကျောင်းနိမိတ်ထင်
သစ်လွင်တဲ့ ဒီပန်း။
မိုးလေထန်
တိုးဝေအမှန် အပူပြင်းစေကွဲ့
ကြိုင်သင်းဖြာလန်း။ ။
( ၁၂.) ""ဇွန်ပန်း ""
ဇွန်ဇူလိုင် မိုးသည်းထဲမှာဖြင့်
အလွန်ကြူလှိုင် တိုးခဲပါလို့
ပုလဲပွင့် ဇွန်ငယ်ငယ်။
အရောင်မခြယ် အတည်ဖွေးကာပ
အနှောင်တွယ် ခြည်ကလေးရယ်နှင့်
သီထွေးကာ ကွယ်။
စိန္တေမယ်
နှိမ်ခြွေတယ် ကပ်လှူဒါန်း။
ပွင့်ပိုလျှင်
သင့်သလိုပင် ပန်ဆင်သပါလို့
ဆင့် နဂိုယဉ် ဟန်ပင်ကျလေတဲ့
လှလွန်းသည့်ပန်း။ ။
( ၁၃ ) ကုမုဒြာကြာ
လရောင်ခြည် မျှော်မှန်းရပါလို့
ညမှောင်ရီ ပေါ်လန်းကြလေတဲ့
ပန်းအလှ ကုမုဒြာ။
ဝင့်ပုံမှာ မတူခြားပေလို့
ပွင့်ငုံအာ အဖြူသားတွေနဲ့
ကြူအားနိုင်တာ။
နေ့အခါ
မေ့မှာသာ မပွင့်ရဲ။
ညဘက်ခါ
လထွက်လာ ငွေရောင်ဖွေးပါမှ
မြရွှက်ဖြာ ကြွေရောင်သွေးတွေနဲ့
မွှေးလန်းအမြဲ ။ ။
( ၁၄) သရဖီ
ချိန်ရာသီ နွေလဆန်းမှာဖြင့်
ထိန်ဖြာကြည် ဝေကြပန်းမှာတော့
မွှေးလန်းတဲ့ သရဖီ။
ပွင့်လွှာငယ် ဖြူဖြူဖွေးပါလို့
ကြူမွှေးဝေစီ။
ခူးကာ တစ်လီ
ဦးစွာသီ လှူဒါန်းဖို့။
သူ့ရာသီ သင့်လေမှ
ပွင့်ဝေကြ မာလာငယ်
ဖြာဖြာကြွယ် ချိန်အခိုက်မှာဖြင့်
ပန်လိုက်ပါစို့။ ။
( ၁၅.) စွယ်တော်ပန်း
တစ်ရွက်မှာ နှစ်လွှာဆင့်ပါလို့
တစ်သက်တာ အကြာတင့်လေရဲ့
ပမာချင့် ချစ်သူတွေ။
ပွင့်အရောင် အဖြူသားရယ်နဲ့
လှအားပါပေ။
စွယ်တော်လေ
ကြွယ်မော်နေ ပင်ထက်ဖျား။
ဘုရားမတင်
တအားပင် ပွင့်ကာလန်းပါလို့
လွင့်ရှာလှမ်း မြေပြင်လွှာ
ကြွေစဉ်ခါ ဖွေးဖွေးလှုပ်ကာဖြင့်
အဟုတ်လှသား။ ။ ။။
( ၁၆.) ခွါညိုပန်း
မြခွာညို ပန်းကလေးကိုဖြင့်
လှပါသကို နမ်းမွှေးပြန်လို့
ယူထွေးကြ ဆောင်းအခါ ။
အခက်အညှာ နွယ်လိမ်အုပ်တွေနဲ့
အရွက်ဖြာ ကြွယ်စိန်ဆုပ်နှယ်သို့
ဖွေးလှုပ်ဝတ်လွှာ။
နှင်းသောက်ကာ
သင်းလှောက်တာ ပြိုင်မရ။
ဖွေးပါပြီ
အေးရာသီ နှင်းတွေဝဲပါမှ
မွှေးကာကြည် သင်းလေမြဲပါကွဲ့
စွဲလန်းလေစွ။ ။
( ၁၇.) ချယ်ရီ
နှင်းချယ်ရီ ပန်းအလှကိုဖြင့်
သင်းကြွယ်စီ လှမ်းမရပါဘု
မောနှမ ပန်းဘုရင်။
ပွင့်ရူပါ ပန်းရောင်သွေးငယ်နှင့်
ဆင့်ကြူရာ နမ်းတောင်မမွှေးပါဘု
လှရေးချယ်ပင်။
ပင်တိုင်းတွင်
ကိုင်းမမြင် ပွင့်ပုံဆန်း။
နှင်းနဲ့ အပြိုင်
အဆင်းနွဲ့ခိုင် ပန်းကလေးကိုဖြင့်
သင်းတဲ့မကြိုင် နမ်းထွေးချင်ရဲ့
ယူပေးရန်မြန်း။ ။
( ၁၈.) ညမွှေးပန်း
ညအခါ အလင်းပျောက်လေမှ
အလှဖြာ သင်းလှောက်ပါလို့
အဆင်းတောက် မာလာ။
ရနံ့အီ တစ်မျိုးဆန်းကာဖြင့်
အနှံ့ဆီ တိုးလွမ်းကာပ
ပွင့်လန်းလေရှာ ။
မဝင့်မဝါ
ပွင့်ကာသာ အလှဆင့်။
အားမငယ်
အများအလယ် အရာမပေးပေမယ့်
ညကလေးဖြင့် လှစေအောင်
စွမ်းဆောင်ကာ ပွင့်နေမြဲပါကွဲ့
ညထဲမှာတင့်။ ။
( ၁၉.) ဓဝယ်မှိုင်းပန်း
ပန်းနာမည် ဓဝယ်မှိုင်းရယ်လို့
ဆန်းပါသည် နွယ်ရိုင်းတွေနဲ့
ပွင့်တိုင်းလှ မွှေးကြူကြူ။
ပန်းပုံမှာ ဖြူနီရောပါလို့
ဆန်းစုံစွာ ကြူအီနှောလေရဲ့
ပွင့်ပေါ ရွယ်တူ ။
ဘုရားမလှူ
တအားသူ ပွင့်ကာပေး။
များလူတွေ အရေးမလုပ်ပေမယ့်
အသွေးထုတ် ပွင့်မြဲသာ
ဆင့်ကဲဖြာ အခါမဲ့ မှာဖြင့်
လှလွန်းရဲ့လေး။ ။
( ၂၀.) နွယ်သာကီပန်း
နွယ်သာကီ အပွင့်ဆန်းတွေက
ကြွယ်ကာစီ စွင့်လန်းပါလို့
ပင်မှန်းကြည့် ခြုံပမာ။
လေသွေးရာ ဘယ်ညာတိမ်းလို့ဖြင့်
ပင်ခြုံစိမ်း အထက်စွန်မယ်
အရွက်ချွန် ဘယ်မရှားပါဘု
များပြားပေတာ။
အရောင်စုံစွာ
အပွင့်ဖြာ လှနေဆဲ။
ရနံ့မလွင်
သန့်စင်စေ လူမကြည့်ပါဘု
အနှံ့တခွင်မြေ သူရှိပါလို့
လန်း၏ အမြဲ ။ ။
( ၂၁.) နှမ်းလုံကြိုင်
နှမ်းလုံးကြိုင် ပန်းလေးရယ်က
ခန်းလုံးလှိုင် လွှမ်းမွှေးပါလို့
လေသွေးခိုက် သယ်ယူလာ။
အပွင့်ဟန် အဆုပ်ခဲငယ်နှင့်
အမြင့်စံ အဟုတ် စွဲ ကာပ
ပြန့်ကြဲပွင့်ရှာ။
ပန်မရပါ
ဟန်အလှဖြာ ပန်းမွှေးမွှေး။
ဝါညီထိန်
ရာသီချိန် မရွေးဘဲရယ်နဲ့
မွှေးမြဲပေါ့ ပန်းခြုံတွင်
ဆန်းဂုဏ်အင် ကြိုင်ရှာကြပါလို့
နန်းပုံသွင် ပြိုင်ကာပြလေတဲ့
ပန်းလှကလေး။ ။
( ၂၂.) ဒေါနပန်း
ခေါ်ကြတယ် ပန်းရယ်လို့
ရော်ရမယ် နွမ်းသည်ထိ
မမြန်းပွင့် မဖူးငုံ။
ပွင့်မပါ အရွက်ခက်ရယ်နဲ့
တင့်ကာသာ အဖက်ဖက်ဆီသို့
မွှေးချက် အီထုံ။
အခက်ကိုင်း မာလာပုံ
နေရာစုံ ရနံ့လွှမ်း။ ။
မွှေးလှိုက်ကြူ ဒေါနလေးကိုတော့
ထွေးပိုက်ယူ သောကဝေးအောင်ဖြင့်
ရေဆေးလို့ ကပ်လှူရန်
မြတ်ရှင်ထံ ဆုရည်တောင်းပါလို့
ကောင်း နိဗ္ဗာန် နန်း။ ။
( ၂၃.) ဂန္ဓမာပန်း
ဂန္ဓမာ ဆေးစုံပန်းတွေက
အလျံဖြာ ငေးမကုန်လန်းပါရဲ့
လှူဒါန်းကြ အဖုံဖုံ။
ဖြူနီဝါ အသွေးမရမ်းရယ်နှင့်
တူညီညာ မွှေးမကြမ်းပါဘု
လေသွမ်းခိုက်ထုံ။
နှောင်သကို
အရောင်စို ရွက်နုစိမ်းတွေနဲ့
မိန်းမောဖွယ့် အလှစုံ
မြအငုံ မပွင့်သေး။
ပွင့်ပါပြီ
ဆင့်ကာစီ တစ်ခင်းလုံးသာပ
သင်းမဆုံး ခူးကာယူ
ဦးစွာလှူ စိန္တေမြတ်ကိုဖြင့်
ဆက်ကပ်ဖို့တွေး။ ။
( ၂၄.) ပဲနွယ်ပန်း
နွယ်သဏ္ဌာန် အရိုးကြားမှာဖြင့်
ကြွယ်အမှန် တိုးပွားပါလို့
ရွက်များထပ် နှစ်လွှာ။
ဟေမာန်တွင် ချိန်မ်ီပွင့်ပါရဲ့
လေထန်လျှင် စိန်စီဆင့်နှယ်သို့
လွင့်ယိမ်းနေရှာ။
မွှေးလန်းကြူ
ထွေးနမ်းယူ မြင်သူတိုင်းမှာဖြင့်
သွင်မရိုင်း ပုံလိပ်ပြာ
ထုံစွာကွဲ့ လွန်မွှေး။
ပဲပန်းနွယ်
စွဲလန်းဖွယ် အသွင်တင့်ပါလို့
အမြဲတမ်းကွယ် အယဉ်မဆင့်နိုင်ဘု
ပွင့်အခိုက် သုံးဆင်ရန်
ထုံးယဉ်ဟန် ကေသာကြော့တွင်ဖြင့်
ပန်မော့ချင်သေး။ ။
( ၂၅.) စိန်လည်တုန်
စိန်လည်တုန် ပန်းတစ်မျိုးဟာဖြင့်
လွှမ်းမိုးကြ ဝသန်ခါ။
အဆင်းရောင် မတောက်ပပေမယ့်
အတင်းဆောင် မောက်ကြွအောင်ဖြင့်
လှူရလေတာ။
ရနံ့မပါ
အဟန့်မှာ အလွန်သေး။
အပွင့်ဖြိုင် တစ်ခင်းလုံးသာပ
အဆင့်ခိုင် အတင်းဖုံးပါလို့
ခင်းအဆုံးဖွေး။ ။
ပန်း ဥယျာဉ် ( ၆.)
( ၂၆.) ပန်း စက္ကူ
ပွင့်ရွက်တူ သဏ္ဌာန်ထူးပါလို့
ဆင့်တက်မူ ဟန်မြူးကာဖြင့်
ပန်မခူး ပန်းစက္ကူ ၊၊
ပန်းဝေဆာ တစ်ပင်လုံးမှာဖြင့်
ဆန်းပေတာ ယဉ်မဆုံးသော်လည်း
မသုံးမွှေးကြူ ။
မမှုပါသည်
သူ့မှာအတည် ရာသီမညှိပါဘဲ
လောက၏ အလှကူ
ပန်းချင်းတူ မျက်နှာမဲ့။
မနမ်းချင်နေ
ပန်းအသွင်လေ ဝေမလျော့ပါပဲ
မြန်းရွှင်ဝေ လေအသော့မှာဖြင့်
ပြုံးမော့မယ်ကွဲ့။ ။
( ၂၇.) ပန်းထိမ်မနိုင်
ရွှေပန်းထိမ် လက်မှိုင်ချပါလို့
သရေမမှိန် ခက်အခိုင်လှပါတဲ့
လန်းပေစွ ပန်းပါကွယ်။
ဆင်စွယ်ရောင် ပွင့်လွှာကြောတွေနဲ့
မြင်လွယ်အောင် ဖွာကာပြောရန်တော့
မောရပါမယ်။
မိုးရာသီ
ဖြိုးရွာပြီ မိုးပေါက်ထဲမှာမှ
တိုးရောက်မြဲ အပွင့်ကြွယ်
အလွယ်ပင် ခူးလှူဒါန်း။
ပန်းတိမ်မနိုင်
စိန်အခိုင် အလှပန်းမှာဖြင့်
မြနန်းရွက် အပေါ်မှာ
ပျော်ကာသာ ပွင့်ပုံထူးပါဘိ
မြူးကြွတဲ့ပန်း။ ။
( ၂၈.) ပုဏ္ဏရိတ်ပန်း
ပန်းနာမည် ပုဏ္ဏရိတ် ရယ်လို့
ဆန်းပါသည် ခြုံအထိပ်မှာဖြင့်
ပွင့်စိပ်စိပ် ခက်အခိုင်။
အသွေးစုံ အဆင်ဆန်းကာပ
မုလေးငုံ အသွင်မြန်းလို့ဖြင့်
စီတန်းခြံတိုင်။
ပွင့်ပုံမှာ
ဆင့်ဆုံကာ အဆုပ်ဆုပ်ရယ်နဲ့
လှုပ်လှုပ်ခဲ ပွင့်ဝေလှိုင်
ကြိုင်နံ့ငယ် မမွှေး။
မမွှေးလည်းလေ
သွေးရဲပေ ပွင့်ကာပြလို့ဖြင့်
လောကထက် အလှဝေ
ကျမကြွေ အချိန်ထိသာပဲ
ကြည့်မဝငေး။ ။
( ၂၉.) ခေါင်ရမ်းပန်း
အသွေးရောင်ဆန်းပါလို့
အမွှေးမဆောင်ပန်းမှာဖြင့်
ခေါင်ရမ်းလို့ အမည်တွင်။
ပွင့်ပုံမှာ အများအပြားပါပဲ
ဆင့်စုံစွာ ခြားနားပေလို့
ပင်ဖြား ထက်လွင်။
ပန်းဂုဏ်ရည်
ဆန်းစုံညီ တကယ်ပွင့်ပေမယ့်
ဘယ်မတင့် ပွဲအဝင်
လွဲဖယ်ချင် လူတွေကြား။
ပွင့်မှာလေ
ဆင့်ကာဝေ မမြတ်နိုးသော်လည်း
ထပ်တိုးလျက် ပျော်ရွှင်စွာ
တော်မဝင်တာ မျက်ကွယ်ပါလို့
အံတုပွင့်အား။ ။
( ၃၀.) ဗေဒါ
ဝေဆာတယ် ဗေဒါများရယ်က
ရေဇလာမယ် စေရာသွားပါလို့
မနေနား မတွယ်တာ။
လှိုင်းစေရာ အပေါ်အောက်သာပဲ
ကိုင်းအခြေမှာ မကျော်ထောက်လျင်တော့
ထစ်ခေါက်နားကာ။
ရေဆောင်လျင်
သွေရှောင်ချင် မရှိပဲရယ်နဲ့
ရေထဲက ပန်းပြာပြာ
နမ်းစရာ ရနံ့ကင်း။
ကဗျာမင်းမူ
စာနှင်းသူ အလွန်ပေါပါဘိ
ရေကြောက ဗေဒါခင်
ရေပြာတွင် သူနေမြဲပါကွဲ့
ရေထဲပျော်ရင်း။ ။
နန်းဧ ကရီ
